जलविरे र घुमाउनेमा पहिरो खस्दा नारायणगढ –मुग्लिन सडक अवरुद्ध प्रकाशित मिति : २१ श्रावण २०७५, सोमबार ०८:२७ चितवन, २१ साउन / निरन्तर वर्षापछि पहिरो खस्दा नारायणगढ मुग्लिन सडकखण्ड अवरुद्ध भएको छ । नारायणगढ मुग्लिन सडकको जलविरे र घुमाउनेमा पहिरो खसेपछि आज बिहान ५ः५५ बजेबाट सडक अवरुद्ध भएको जिल्ला प्रहरी कार्यालय चितवनले जानकारी दिएको छ। जलविरे इच्छाकामना गाउँपालिका–६ मा र घुमाउने भरतपुर महानगरपालिका–२९ मा पर्दछ ती दुवै ठाउँमा चार दिनयता लगातार पहिरो खस्ने र रोकिने क्रम जारी छ ।
