बस दुर्घटनामा ४० घाइते सात जनाको स्थिती गम्भीर प्रकाशित मिति : ३० श्रावण २०७५, बुधबार १४:५२ काठमाडौं ३० साउन / नुवाकोट जिल्लाको बुङताङबाट काठमाडौँ जाँदै गरेको यात्रुवाहक बस विदुर नगरपालिका–९ लामाटारमा दुर्घटना भएको छ । दुर्घटनामा ४० जना घाइते भएका छन् । बा २ ख २८०४ नं को बसले मिनीट्रकलाई ठाउँ छोड्ने क्रममा सडक भाँसिएर ४० मिटर तल खस्दा बसमा सवार ४० घाइते भएका नुवाकोटका प्रहरी वरिष्ठ उपरीक्षक वसन्तबहादुर कुँवरले जानकारी दिएका छन। आज बिहान १०ः३० बजेतिर भएको दुर्घटनामा गम्भीर घाइते सातलाई थप उपचारको लागि काठमाडौँ पठाइएको छ । अन्य घाइतेको त्रिशूली अस्पतालमा उपचार भइरहेको छ ।
