स्पेनिस लिगका खेल स्पेनबाहिर पनि हुने

म्याड्रिड / स्पेनिस लिगको नियमति सिजनको खेल संयुक्त राज्य अमेरिकामा हुनसक्ने भएको छ। बिहिबार लिगले बताए अनुसार उत्तर अमेरिकामा फुटबल विकासको निम्ति खेलकुद र मनोरञ्जन समुहसंग सहकार्यको १५ बर्षको उपलक्ष्यमा सो खेल हुने भएको हो ।

युएस स्क्करको बिहीबार बसेको बैठकमा आफ्नो भूमिमा बिदेशी लिग संचालन गर्न अनुमति दिने बिषयमा चर्चा भएको थियो। यद्यपी घरेलु लिग विदेशी भूमिमा संचालन हुने वा नहुने बिषयमा निर्णयभने फिफाले दिनेछ। गत सिजन मियामीमा सम्पन्न लिग खेलमा बार्सिलोना र रियल म्याड्रिड भिडेका थिए। लिगका प्रमुख जाभियर टेबसले यसअघि नै क्लासिकोलाई स्पेनभन्दा बाहिर लाने बिषयमा कुरा उठाएका छन्।

स्पेनका खेलाडीहरुको संघले भने खेलाडीको धारणा सोध्नुअघि नै लिगलाई सारिएको र त्यो खेलाडी साथसाथै स्पेनका समर्थकलाई नै बेफाइदा भएको बन्दै बिरोध गरेको थियो। लिगका प्रमुख टेबसले गत वर्ष समेत लिगका केहि खेलहरु चाइनामा गराउन सकिने बताएका थिए। लिगले बताएअनुसार भने यस प्रयासले उत्तर अमेरिका र क्यानाडामा लिगको नाम अझ बढ्ने जनाएको छ।

एक दशक अघि प्रिमियर लिगका टोलीले आफ्नो ३९औ खेल बिदेशी भूमिमा खेल्ने प्रयास गरिएपनि फ्यानको बिरोध र फिफाको बन्देजका कारण सो प्रयास सफल भएको थिएन। अमेरिकामा भने स्पेनिस लिगको भन्दा धेरै चर्चा प्रिमियर लिगको हुनेगर्दछ। प्रिमियर लिगको सम्झौता समेत एनबिसी स्पोर्ट्सले १ बिलियनमा गरेको थियो। सन् २०१२ देखि स्पेनिस लिगभने बेलेन स्पोर्ट्सले देखाउंदै आएको छ। एजेन्सी