पेरु र ब्राजिलको सीमानामा शक्तिशाली भूकम्प, क्षतिको विवरण आउन बाँकी प्रकाशित मिति : ८ भाद्र २०७५, शुक्रबार २०:१५ वासिङ्टन, संयुक्त राज्य अमेरिका, ८ भदौ / पेरु र ब्राजिलको सीमा क्षेत्रमा शुक्रबार ७।१ म्याग्निच्युडको भूकम्प गएको अमेरिकी भौगर्भिक सर्वेक्षण संस्था ९युएसजीएस०ले जनाएको छ । ग्रीनविच समय अनुसार विहान ९ बजे गएको भूकम्पको केन्द्रविन्दु पेरुको आइबेरिया शहरको १४० किलोमिटर पश्चिममा जमिनको सतहदेखि ६०९ किलोमिटरको गहिराईमा रहेको भूयुएसजीएसले जनाएको छ । भूकम्पको केन्द्रविन्दु ग्रामिण इलाकामा रहेकोले यसबाट भएको क्षतिको विवरण समाचार तयार पार्दासम्म प्राप्त भैसकेको छैन । पेरुको दक्षिणी क्षेत्रमा यस पहिले सन् २००१ मा ८.१ म्याग्निच्युडको भूकम्प गएको थियो । भूकम्प र यसबाट आएको सुनामीका कारण ७४ जनाको मृत्यु भएको थियो । रासस/एएफपी
