स्वस्तिमा भन्छिन : बिहे गरेपछि नै चलचित्रमा व्यस्त बन्न थालेकी हुँ प्रकाशित मिति : १६ आश्विन २०७५, मंगलवार १७:५० काठमाडौं असोज १६, / नायिका स्वस्तिमा खड्काले आफ्नो कठोर मिहिनेतले नै आफूलाई सफलता मिलेको बताएकी छिन् । उनले भनिन् ‘मलाई लक लागेको मेरो मिहिनेतले हो” । तर, सबै कुरा वुझ्ने श्रीमान् पाएकाले पनि काम गर्न सजिलो भएको छ । बिहे गरेपछि नै चलचित्रमा व्यस्त बन्न थालेकी स्वस्तिमाले भनिन् ‘मेरो पहिलो चलचित्र आउने वित्तिकै मेरो बिहे भयो । यसैले दर्शकले मेरो काम हेर्न पाउनुभएको थिएन । अर्कोतिर म लक्की पनि हो । निश्चल जस्तो श्रीमान् पाउनु, निश्चलसँग सल्लाहा गरेर काम गर्नुले पनि मलाई व्यस्त बनाएको छ । हाल चलचित्र ‘बुलबुल’को छायांकनमा व्यस्त स्वस्तिमाले चलचित्र ‘हजार जुनी सम्म’ मा काम गर्न लागेको कुरालाई भने अहिले नै पक्का नभएको बताइन् । उनले भनिन् ‘विकास दाइसँग कुरा त भएको छ ” । तर, मैले चलचित्र साइन गरिसकेकी छैन । मैले पनि समाचार पढेकी थिएँ । तर, पक्का होइन ।’
