बम दिदीबहिनीसँगै निर्मलाको मामा र सेनामाथि पनि अनुसन्धान गर्न माग

काठमाडौं .१९ असोज, । कञ्चनपुरकी १३ वर्षीया बालिका निर्मला पन्त हत्या प्रकरणमा प्रहरी अधिकारी र बम दिदीबहिनीसँगै निर्मलाका मामा र नेपाली सेनालाई पनि अनुसन्धानको दायरामा ल्याउन नेपाल मानव अधिकारी संगठनले माग गरेको छ ।

घटनाको स्थलगत अध्ययन गरिसकेपछि संगठनले प्रतिवेदन सार्वजनिक गर्दै संगठनले पन्त हत्याबारे प्रहरी उपरीक्षक (एसपी )  डिल्लीराज विष्ट, प्रहरी नायब उपरीक्षक ९डिएसपी० ज्ञानबहादुर सेठी, प्रहरी निरीक्षक एकेन्द्र खड्का, रोशनी बम र दिदी बबितासँगै निर्मलाका मामा तीर्थराज र नजिकै रहेको सेनाको ब्यारेकलाई घटनाबारे जानकारी रहेको दाबी गरेको छ ।

मानव अधिकार संगठनले घटनाको प्रमाणहरु नष्ट गरिएको निर्दोषलाई यातना दिइएको र घटनाको अनुसन्धान दबाउन प्रहरी प्रशासन नै लागिपरेको निष्कर्ष समेत निकालेको छ । उनीहरु उपर ठोस र प्रभावकारी अनुसन्धान नभएको भन्दै संगठनले सबै स्रोत साधन प्रयोग गरी हत्यारालाई पत्ता लगाउन र निर्दोषलाई यातना दिने तथा अत्यधिक बल प्रयोग गर्ने प्रहरी प्रशासनका अधिकारीमाथि पनि कारबाही गर्न माग गरेको छ ।