बार्सिलोनासँग लजास्पद हारपछि रियल मड्रिडले लोपेटेगुईलाई बर्खास्त गर्दै प्रकाशित मिति : १२ कार्तिक २०७५, सोमबार १३:५१ मड्रिड / स्पेनिस ला लिगामा यसै सिजनबाट रियल मड्रिड टोली सम्हालेका प्रशिक्षक जुलेन लोपेटेगुईलाई पदबाट हउटाउने तयारी गरेको छ । गत राति ५–१ गोलले एल क्लासिकोमा बार्सिलोनासँग हारेपछि क्लबले आज उनलाई पदबाट हउटाउने तयारी गरेको हो । जुलेन लोपेटेगुई लगातार तीन खेलमा हार व्यहोरेको रियल मड्रिड पछिल्ला ५ खेलमा लगातार जितविहीन बनेको छ । रियल हाल अंक तालिकामा १० खेलपछि मात्रै १४ अंक जोडेर नवौं स्थानमा झरेको छ । नयाँ प्रशिक्षक भर्ना गर्ने तयारी गरेको रियलले खबरअनुसार इंग्लिस क्लब चेल्सीका पूर्वप्रशिक्षक एन्टोनी कोन्टेलाई नयाँ प्रशिक्षक बनाउने तयारी गरेको छ । एन्टोनी कोन्टे यसअघि स्पेनको राष्ट्रिय टोलीबाट बर्खास्त भएका जुलेन यो सिजनको सुरुमा रियलको टोली सम्हाल्न आइपुगेका थिए ।प्रकाशित समाचारअनुसार आज रियल मड्रिडको बोर्ड बैठक बस्दैछ । सोही बैठकबाट क्लबले जुलेनलाई हटाएर नयाँ प्रशिक्षक नियुक्त गर्ने बाटो खुला गर्नेछ । एजेन्सी
