प्रिमियर लिगमा आज टोटनह्याम र म्यानचेस्टर सिटीको भिडन्त हुँदै प्रकाशित मिति : १२ कार्तिक २०७५, सोमबार १६:२९ काठमाडौं, / इंग्लिस प्रिमियर लिग फुटबलमा आज राति म्यानचेस्टर सिटीले टोटनह्याम होस्पुरसँग भिडन्त छ । टोटनह्यामको घरेलु मैदानमा आज राति नेपाली समयअनुसार १ः४५ बजेबाट हुने खेल निकै रोमाञ्चक हुने अपेक्षा गरिएको छ । गएको सिजन यी दुई क्लब एकबेला उपाधि होडमा थिए । च्याम्पियन्स लिगमा जितविहीन रहेको टोटनह्यामले लिगमा भने राम्रो खेल खेलिरहेको छ । घरेलु लिगमा उसले ९ खेलपछि २१ अंक जोडेर पाँचौं स्थानमा छ । घरेलु लिगमा अपराजित रहेको सिटी लिगमा च्याम्पियन्स लिगमा भने जितविहीन छ । आजको खेल जितेर सिटी पुनः लिगको शीर्ष स्थानमा फर्किन चाहन्छ । आजको खेल सिटी र टोटनह्याम दुवैका लागि अंक तालिकामा अवस्था सुधार्न महत्त्वपूर्ण हुनेछ । टोटनह्याम भने यो खेल जितेर पाँचौं स्थानबाट तेस्रो स्थानमा उक्लिन प्रयास गर्नेछ । टोटनह्याले हालसम्म ७ खेल जितेर २ खेल बराबरी गरेको छ । आज टोटनह्यामको घरेलु मैदानमा हुने खेल दुवै टोलीका लागि निकै महत्त्वपूर्ण हुने भएकाले खेलमा रोमाञ्चक प्रतिस्पर्धा हुने छ ।
