पहिरोले पुरेर तीन जनाको मृत्यु

जाजरकोट, भदौ १५ / जाजरकोटको भेरी नगरपालिका–२ तिमिलेमा शनिबार राति पहिरोले घर भत्काउँदा पुरिएर तीन जनाको ज्यान गएको छ । जिल्ला प्रहरी कार्यालयका डिएसपी यामबहादुर खत्रीले एकै घरका तीन जनाको मृत्यु भएको जानकारी दिए ।

उनका अनुसार दलबहादुर वलीको घर शनिबार राति १२ बजेतिर पहिरोले भत्किएको हो । पहिरोमा परेर ३२ वर्षीया पार्वती वली, नौ वर्षीया मोतिकला वली र तीन वर्षीया धनसरा वलीको मृत्यु भएको डिएसपी खत्रीले जानकारी दिए । घटनास्थल सदरमुकामदेखि तीन घण्टाको दूरीमा पर्छ ।