गाई काट्दै गरेको अवस्थामा तीन जना पक्राउ

बाँके ,असोज ९ / बाँकेमा गाई काट्दै गरेका तीन जनालाई प्रहरीले पक्राउ गरेका छन् । पक्राउ पर्नेहरुमा सल्मान खाँ, वर्षाती खाँ र सरिफ खाँ रहेका छन् भने एक जना फरार रहेका छन् ।

उनीहरुलाई जनालाई खजुरा–७, बढुवाको खेतमा बुधबार राति गाई काट्दै गरेको अवस्थामा पक्राउ गरेको हो । उनीहरूको घरबाट ५० किलो गाईको मासुसमेत बरामद गरिएको प्रहरीले जनाए ।उनीहरु विरुद्ध गौ हत्या मुद्दा दायर गर्ने तयारी इलाका प्रहरी कार्यालय, धनौलीले गरेका छन् ।