दुबईमा १८ नेपाली सवार बस दुर्घटना, ६ जनाको मृत्यु

दुबई / दुबईमा भएको बस दुर्घटनामा छ जनाको मृत्यु भएको छ । आज विहान अल राह रोडमा चालकदलका सदस्यसहित २४ जना चढेको बस ट्रकसँग ठोक्किदा दुर्घटनामा भएको थियो । ट्र क रोकिएको र तिव्र गतिमा आएको बसले पछाडिबाट ठक्कर दिएको थियो । दुर्घटनाको भिडियो हेर्दा बस चालकको लापरबाही कारण दुर्घटना भएको देखिन्छ ।

नेपालका लागि संयुक्त अरब इमिरेट्सका राजदुत कृष्णप्रसाद ढकालले बसमा सवार २४ यात्रीमध्ये १८ जना नेपाली रहेको जानकारी दिएका छन् । पाँच जनाको घटनास्थलमै र एकजनाको उपचारका क्रममा मृत्यु भएको बुझिएको छ ।राजदूत ढकालले घटनामा ज्यान गुमाउनेहरु कुन कुन देशका नागरिक हुन् भन्नेबारे स्पष्ट जानकारी आइसकेको बताए । स्थानीय समय अनुसार विहान साँढे पाँच बजे घटना भएको थियो ।