साउदी अरबमा भेटियो ४ जना नेपालीमा कोरोना भाइरस संक्रमण प्रकाशित मिति : २३ चैत्र २०७६, आईतवार १८:०४ काठमाडौं । साउदी अरबमा ४ जना नेपाली कोरोना भाइरसबाट संक्रमित भएको नेपाली दूतावास साउदी अरबले जनाउको छ । आइतवार साउदी सरकारले ४ जना नेपालीलाई पोजिटिभ देखिएको विवरण नेपाली दूतावास साउदीलाई उपलब्ध गराएको थियो । संक्रमित नेपालीहरुको अवस्था स्थिर रहेको जनाइएको छ। आइतबारसम्म साउदीमा कोरोना भाइरसबाट संक्रमित हुनेको संख्या २३ सय ७० पुगेको छ । गत पछिल्लो २४ घण्टामा थप १४० जनामा संक्रमण देखिएको थियो। कूल संक्रमितहरुमध्ये हालसम्म ४२० जना निको भएका छन् भने २९ जना संक्रमितको मृत्यु भएको छ ।
