मैवाखोला ५ मा भत्कियो एमालेको बिरासत : गठबन्धनको प्यानल नै विजयी प्रकाशित मिति : १ जेष्ठ २०७९, आईतवार ०९:३० ताप्लेजुङ । मैवाखोला गाउँपालिका वडा नं. ५ मा गठबन्धनको प्यानल नै विजयी भएको छ । वडा अध्यक्षमा गठबन्धन तर्फ नेकपा माओवादी केन्द्रका केशर लिम्बू विजयी भएका छन् । उनले ४२८ मत ल्याएका छन् भने पराजित भएका उनका निकतम् प्रतिद्वन्द्वी नेकपा एमालेका कूलप्रसाद लिम्बूले २७४ मत ल्याएका छन् । यस्तै महिला सदस्यमा सोमकुमारी लिम्बू, दलित महिला सदस्यमा मनिसा बराइली, खुला वडा सदस्य एकमा सुरेश वनेम, वडा सदस्य दुईमा लाक्पा शेर्पा विजयी भएका छन् । मैवाखोला गाउँपालिका यस अघि नेकपा एमालेले क्लिन स्विप गरेको थियो । यस्तै गाउँपालिको अध्यक्षमा पनि गठबन्धन तर्फका माओवादी केन्द्रका उम्मद्धार विजय प्रकाश वनेमले नै अग्रता लिइरहेको छ ।
