चिन्तनशील राजनीतिकर्मी मित्र प्रदीप गिरीको निधनबाट मर्माहित भएको छु : ओली प्रकाशित मिति : ५ भाद्र २०७९, आईतवार ०९:०१ काठमाडौं । नेकपा एमालेका अध्यक्ष केपी शर्मा ओलीले नेपाली कांग्रेसका नेता एवं सांसद प्रदीप गिरीको निधनबाट मर्माहित भएको उल्लेख गरेका छन् । सामाजिक संजाल ट्वीटरमा आइतबार बिहान ट्वीट गर्दै अध्यक्ष ओलीले चिन्तनशील राजनीतिकर्मी मित्र प्रदीप गिरीको निधनबाट मर्माहित भएको लेखेका हुन् । उनले लेखेका छन्, ‘चिन्तनशील राजनीतिकर्मी, मित्र प्रदीप गिरीको निधनबाट मर्माहत भएको छु । उहाँप्रति हार्दिक श्रद्धासुमन अर्पण गर्दै शोकाकुल परिवारजनमा गहिरो समवेदना व्यक्त गर्दछु ।’
