सत्ता गठबन्धनको सिट बाँडफाँट भोली टुंगो लाग्ने प्रकाशित मिति : ८ भाद्र २०७९, बुधबार ०८:५६ काठमाडौं । भोलिसम्म सिट बाँडफाँट टुंगो लगाउने तयारीमा सत्ता गठबन्धनका नेताहरू लागेका छन् । ९ भदौभित्र सहमति गर्ने गरी आज साँझ ५ बजे शीर्ष तहका नेताहरू छलफलमा जुट्दैछन् । मंगलबार साँझ छलफलमा जुटेका शीर्ष तहका नेताहरूबीच ९ भदौभित्र सहमति जुटाउनेगरी छलफल अघि बढेको हो । कार्यदलस्तरबाट सिट बाँडफाँट टुंगो लाग्न नसकेपछि शीर्ष तहमा पुगेको एक साता यता निरन्तर छलफल भइरहेको छ । र, शीर्ष तहमा सिट बाँडफाँटको सन्दर्भमा सिट संख्यामा कुरा मिलेको छैन । कार्यदलले सिट बाँडफाँटको मापदण्ड भने तयार गरेको छ ।
