ताप्लेजुङमा एक व्यक्ति मृत भेटिए प्रकाशित मिति : २२ भाद्र २०७९, बुधबार ०८:५४ ताप्लेजुङ। जिल्लाको आठराई त्रिवेणी गाउँपालिका ३ हाङपाङमा एक व्यक्ति मृत अवस्थामा भेटिएका छन्।मृत भेटिनेमा ५६ वर्षीय श्रीप्रसाद चुहान रहेको जिल्ला प्रहरी कार्यालय ताप्लेजुङले जनाएको छ । मंगलबार आफ्नै भाई भिम बहाुर चुहानको अलैँची टिपेर साँझ अबेरसम्म पनि घर आईनपुगेकाले खोजी गर्ने क्रममा मृत अवस्थामा भेटिएको स्थानीयले बताएका छन् । चुचीढुङगा स्थित चुवाखोलाबाट आएको पानीको कुलोमा चिप्लेर डुब्दा मृत्यु भएको हुन सक्ने प्रहरीको प्रारम्भिक अनुमान रहेको छ । शव हाङपाङ प्रहरी चौकीको निगरानीमा घटनास्थलमै रहेको छ । घटना बारे थप अनुसन्धानका लागि जिल्ला प्रहरी कार्यालय ताप्लेजुङबाट प्रहरीको टोलि घटनास्थलतर्फ प्रस्थान गरेको जिल्ला प्रहरी कार्यालय ताप्लेजुङले जनाएको छ ।
