मालदिभ्सको विपक्षी दलद्वारा नयाँ नेताको चयनसँगै प्रजातन्त्र पुनः स्थापना गर्ने प्रतिवद्धता

प्रतिपक्षी समूहहरूको गठबन्धनको नेतृत्वको जिम्मेवारी पाएसँग सोलिहले आफूहरूले निर्वाचनमा बहुमत ल्याएमा विभेदपूर्ण तवरले निर्वासनमा बस्न बाध्य बङ्गलादेशी नागरिकलाई स्वदेश फर्काउन पहल गर्ने जनाउनुभएको छ । मालदिभ्स प्रजातान्त्रिक पार्टीका संसदीय नेता सोलिहले प्रतिपक्षी समूहहरूको गठबन्धनको नेतृत्वबाट देशमा प्रजातन्त्रको पुनः स्थापना गर्ने उक्त समूहका प्रवक्ता अमिद अब्दुल गफूरले एएफपीलाई बताउनुभयो ।

सोलिहले यस पहिले उक्त प्रतिपक्षी समूहको नेतृत्व गरेका अनुभवी नेता मोहम्मद नशीदलाई प्रतिस्थापन गर्नुहुनेछ । बङ्गलादेशको केन्द्रीय निर्वाचन आयोगले नसीदलाई निर्वाचन लड्नका लागि अयोग्य बताएपछि उहाँले उम्मेदवारी नदिने घोषणा गर्नुभएको थियो । १३ वर्ष जेल जीवन विताएका नसीदलाई राजनीतिक प्रतिशोधका कारण सजाय भएको र विदेशमा उपचारका लागि गरेको आग्रहलाई स्वीकार गरिएपछि उहाँ सन् २०१६ पछि निर्वासनमा रहँदै आउनुभएको छ ।

अहिले बङ्गलादेशका प्रभावशाली प्रतिपक्षी नेताहरू कि त जेलमा छन् कि विभिन्न देशमा निर्वासनमा रहँदै आएका छन् । गफुरले भन्नुभयो, यदि आफ्नो गठबन्धनले निर्वाचनमा जितेमा अन्यायपूर्ण रूपमा निर्वासनमा बस्दै आएका तथा स्वदेशमै जेल जीवन विताउँदै आएका सबै जनालाई निर्वाचन भएको मितिले डेढवर्षभित्र न्यायको अनुभूति गराइने बताउनुभयो ।

बङ्गलादेशमा हरेक पाँच वर्षमा राष्ट्रपतिको निर्वाचन गर्ने संवैधानिक प्रावधान छ र राष्ट्रपतिले चाहेमा यस पहिल्यै पनि निर्वाचन गर्नसक्ने कानूनी व्यवस्था रहेको छ । रासस/एएफपी